Vladimir Putin Markaziy Osiyo mamlakatlariga safar uyushtiradi

Qirg‘iziston poytaxti Bishkek shahri Vladimir Putin tashrifiga tayyorgarlik ko‘rmoqda. Bu haqda «24.kg» axborot agentligiga respublika TIVdagi o‘z manbalari xabar qilgan. 

Ma'lumotlarga ko‘ra, Rossiya prezidenti 28 fevralda tashrif buyuradi. 

«MDHning yirik davlati va Qirg‘izistonning moliyaviy va iqtisodiy sohalardagi asosiy hamkori bo‘lgan mamlakat rahbarining kelishi shu yil kuzda bo‘ladigan prezidentlik sayloviga ham ta'sir etishi mumkin», - deb qayd etishgan agentlik manbalari. 

Ta'kidlanishicha, Vladimir Putin faqat Qirg‘izistonga kelmaydi, balki Markaziy Osiyo bo‘yicha sayohat qiladi. U Qirg‘izistondan so‘ng, Tojikistonga kelishi xabar qilingan.