Ma'naviy tushkunlik: gambiyalik qochqin uni masxara qilayotganlar ko‘z o‘ngida cho‘kib ketdi

Gambiyalik qochqin Venetsiyadagi Katta anhorda, smartfonlarida uni videoga tushirayotgan sayyohlar ko‘z o‘ngida cho‘kib ketdi. Bu haqda Independent gazetasi yozmoqda.

Ma'lum qilishlaricha, gambiyalik 22 yashar Patex Saballi anhor o‘rtasida suzishga harakat qiladi, bu orada guvohlar uni videoga olishda davom etishadi, irqchilikka oid turli ishoralar qilishadi va kulishadi. Videolardan birida hatto: "Qani, uyinga jo‘nab qolchi!", degan ovozni ham eshitish mumkin.

Suvga Saballi uchun har ehtimolga qarshi qutqaruv chambaraklarini irg‘itishadi, ammo yigit ulardan birortasiga yetib bora olmaydi. Hech kim uni qutqarish uchun o‘zini suvga tashlamaydi va gambiyalik barchaning ko‘z o‘ngida suvga g‘arq bo‘ladi.