Yaponiyalik suzuvchi brass usulida suzishda jahon rekordi o‘rnatdi

Yaponiyalik suzuvchi Ippey Vatanabe 200 metr masofaga brass usulida suzishda Tokiodagi musobaqada 50 metrlik suv havzasida jahon rekordini yangiladi. Bu haqda 29 yanvarda "R-Sport" nashri xabar bermoqda.

19 yoshli Vatanabe belgilangan masofani 2 daqiqa 6,67 soniyada suzib o‘tib, bu masofani 2 daqiqa 7 soniyadan tezroq suzib o‘tgan birinchi sportchi bo‘ldi. Rio-de-Janeyrodagi Olimpiadada yaponiyalik ushbu masofani yarim finalda 2:07,22 daqiqada suzib o‘tib, Olimpiada rekordini o‘rnatgandi. Biroq finalda 6-o‘rinni egallagan.

Avvalgi rekord (2.07,01) ham yaponiyalik sportchi Akixiro Yamaguchiga tegishli bo‘lgan va 2012 yil sentabrda o‘rnatilgan.  

2014 yilda Vatanabe Xitoydagi o‘smirlar Olimpiada o‘yinlarida oltin medal qo‘lga kiritgandi.