Stoltenberg: NATO yangi sovuq urushni xohlagani yo‘q

NATO Rossiya bilan qarama-qarshilikka urinmayapti, yangi sovuq urushini avj oldirish istagida ham emas. Shimoliy Atlantika shartnomasi tashkiloti bosh kotibi Yyens Stoltenberg shunday bayonot berdi.

"Biz Rossiya bilan ziddiyatga borayotganimiz yo‘q. Yangi sovuq urushi boshlanishini ham xohlamaymiz. Shu boisdan, shaffof va mutanosib ravishda harakat qilmoqdamiz. Bizning harakatlarimiz mudofaa mohiyatiga ega, biroq u jipslashgan ekanimizni namoyish etadi. NATOning barcha a'zosi bir-birini himoya qilishga tayyor", — degan Stoltenberg Bolgariya prezidenti Rumen Radev bilan o‘tkazgan uchrashuvidan so‘nggi matbuot anjumanida.