Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Тошкент вилоятида 40 млн сўм пул ва 6 млн сўмлик тилла тақинчоқларни ўмарган йигитлар қўлга олинди
13:11 / 31.01.2017
18299

Ўтган йилнинг февраль ойи ўрталарида Тошкент вилояти Пскент туманида йирик ўғирлик содир этилди, деб ёзади “На посту” газетаси.

Маълумотда келтирилишича, ушбу туманда яшовчи тадбиркор Муҳиддин Аброровнинг (исм-фамилиялар ўзгартирилган) уйига ўғирликка тушган шахслар у ердан 40 миллион сўмдан ортиқ пул маблағлари ва қиймати олти миллион сўмдан ортиқ бўлган заргарлик буюмлари ўмаришган.

Ўтказилган тезкор тадбирлар давомида, Аброров қизининг дўсти Турғун Б. сўнгги пайтларда қимматбаҳо телефон сотиб олиб, юриш-туриши ўзгариб қолгани аниқланди. 

Газетанинг ёзишича, ёш йигит ўзининг уч нафар ҳамтовоғи билан Муҳиддин Аброров Тошкент шаҳрига меҳмонга кетган пайтда уйга ўғирликка тушади. Ўмарилган пул ва тилла тақинчоқлар эса орада бўлишиб олинган. 

Айтилишича, қўлга олинганлар етказилган зарарни қисман қоплаб беришган.


Улашинг
Top