Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Шавкат Мирзиёев Жастин Трюдога ҳамдардлик билдирди
19:10 / 01.02.2017
8640

Ўзбекистон Президенти Шавкат Мирзиёев Канада бош вазири Жастин Трюдога Квебек шаҳрида содир этилган террорчилик ҳаракати оқибатида кўплаб инсонларнинг қурбон бўлганлиги муносабати билан самимий таъзия изҳор этилган мактуб йўллади. Бу ҳақда Ўзбекистон Ташқи ишлар вазирлиги матбуот хизмати хабар бермоқда.

Ўзбекистон раҳбари қурбон бўлганларнинг оила аъзолари ва яқинларига ҳамда жароҳат олганларга ҳамдардлик ва далда сўзларини етказиб қўйишни сўради.

Эслатиб ўтамиз, Канаданинг Квебек шаҳридаги ислом маданий маркази масжидида отишма рўй бериб, ҳужум натижасида камида олти киши ҳалок бўлган, саккиз киши яраланган эди.


Улашинг
Top