Tashqi qiyofasi Rossiya prezidenti Vladimir Putinga o‘xshash bo‘lgan Comedy Club rezidenti Dmitriy Grachev shouga tayyorlanish jarayonida davlat rahbarining amerikalik hamkasbi Donald Tramp bilan suhbatini taqlid qilib berdi. Videoni Facebook’da bir necha kun davomida ikki million marotabadan ortiq tomosha qilishdi.
Rolik 28 yanvar – Putin va Tramp telefon orqali muloqotidan biroz avval taqdim etilgan. Taqlid syujyetiga ko‘ra, «Putinga» Amerika prezidenti qo‘ng‘iroq qiladi, biroq davlat rahbari uni darhol tanimaydi. Shu bilan bir qatorda, «Putin» Tramp bilan qora rangli smartfon orqali suhbatlashishdan bosh tortadi. «Menga boshqa telefon beringlar, axir ularda prezident almashdiku», - deydi Grachev.
Shuningdek, unga Belorussiya prezidenti Aleksandr Lukashenko ham qo‘ng‘iroq qiladi. «Sizning qo‘ng‘irog‘ingiz siz uchun juda muhim», - deydi «Putin» va Lui Armstrongning Go Down Moses taronasini ijro etadi.
Ma'lumotlarga ko‘ra, ushbu taqlid efirga chiqarilmagan.
