Meksika hukumati o‘z fuqarolarini AQSh mamlakatda 20 yildan ortiq vaqt davomida istiqomat qilgan meksikalik ayolni davlatdan chiqarib yuborganidan so‘ng ehtiyotroq bo‘lishga chaqirdi. Bu haqda «Bi-bi-si» xabar berdi.
Meksika tashqi ishlar vazirligining bayonotiga ko‘ra, Gvadelupe Garsiya de Reyosning deportatsiyasi AQShdagi muhojirlar uchun «yangi real haqiqatdan» darak beradi.
«Shu sababdan AQShda yashovchi barcha meksikaliklarga xavfsizlik choralarini ko‘rish va konsullik bilan yaqin aloqada bo‘lish tavsiya etildi. Bu ularga tezkor vaziyatda yordam ko‘rsatish uchun kerak», - deyiladi idora xabarida.
Avvalroq AQSh milliy xavfsizlik kotibi Jon Kelli Meksika bilan chegarada devor qurilishi yaqin ikki yil ichida yakunlanishi haqida ma'lum qilgandi.
