O‘zbekistonlik sayyohlarda Oltin xalqa shaharlariga qiziqish ortayotganligi aytildi

15 fevralda poytaxtda bo‘lib o‘tgan hukumatlararo komissiyaning 18-yig‘ilishida O‘zbekiston Respublikasi bosh vazir o‘rinbosari Rustam Azimov bugungi kunda mamlakatlar turizm sohasidagi hamkorlikni yanada rivojlantirish borasida keng istiqbolga ega ekanligini alohida qayd etdi. 

"Rossiya fuqarolarining O‘zbekistondagi Samarqand, Buxoro, Xiva, Toshkent va boshqa shaharlarga qiziqishi  yuqori ekanligiga guvoh bo‘lmoqdamiz. Ushbu yo‘nalishda tarixiy, ekologik, gastronomik, madaniy va boshqa turdagi turizm sohalarini rivojlantirish bo‘yicha ulkan istiqbol mavjud", — dedi bosh vazir o‘rinbosari.

Shuningdek O‘zbekiston aholisida nafaqat Moskva va Sankt-Peterburg, balki Oltin halqa shaharlari, Volga va Shimoliy Kavkaz, Qora dengiz va Baykal ko‘liga sayohat qilishga qiziqish ortib borayotganligi ta'kidlandi. 

Ilg‘or reklama va piar-kompaniyalar yordamida o‘zaro turistlar oqimini sezilarli darajada oshirish uchun qulay muhit yaratish lozimligiga e'tibor qaratildi.