Eron Qozog‘istondan 950 tonna uran konsentratini xarid qiladi

Eron uch yil mobaynida Qozog‘istondan 950 tonna uran konsentratini xarid qilishni rejalashtirmoqda. Bu haqda Eron atom energetikasi tashkiloti rahbari Ali Akbar Solihiy bayonot berdi, deya xabar qilmoqda ISNA agentligi. 

"Bitim ijrosi 3 yilga mo‘ljallangan. Bunda ilk 650 tonna mahsulot birinchi ikki yilda ikki partiyada olib kelinadi. Qolgan 300 tonnasi uchinchi yilda yetkaziladi. Ular UF6 gaziga aylantirilgach, Qozog‘istonga qayta yuboriladi va buning uchun Tehron haq oladi", — degan Solihiy. 

Uning qayd etishicha, Eron o‘z tarixida birinchi marta geksaftorid uran moddasini sotadi.