Internetda Chili poytaxti Santyagoda yashovchi yigitning elektr uzatish liniyasi minorasidan 30 ming voltlik tok urishdan keyin yerga qulagani videosi paydo bo‘ldi. Biroq eng hayratlanarlisi, erkak bunday katta kuchdagi tok urishdan keyin 30 metrlik balandlikdan yiqilib ham omon qolgan.
Videoda "omadi chopgan" yigitning yerga qulagandan keyin o‘z oyoqlari bilan bemalol yurgani, biroq bu holatdan karaxt holdaligi va badanida tok urishdan anchagina kuyish jarohatlari borligini ko‘rish mumkin. Yigitning egnidagi kiyimdan u elektrchi ekanligini taxmin qilish mumkin.
