Statista ma’lumotlariga köra, eng uzun çegara AQŞ va Kanada örtasidan ötadi. Ikki qismdan iborat bu çegaraning umumiy uzunligi 8893 kilometrni taşkil qiladi. Şuningdek, uzunligi 6400 kilometrdan ortiq bölgan janubiy çegara ham alohida reyting tuzilsa, unga kiradi.
Ikkinçi örinni Rossiya va Qozoğiston örtasidagi çegara egallaydi, uning uzunligi 7644 kilometr. Uçinçi öringa esa Argentina va Çili örtasidagi 6416 kilometrlik çegara kirgan.
Xitoy va Möğuliston örtasidagi çegara uzunligi 4630 kilometrni, Hindiston va Bangladeş örtasidagi çegara esa 4142 kilometrni taşkil etadi.
Keyingi örinlarda yana Rossiya bilan boğliq çegaralar keladi: Rossiya–Xitoy çegarasi 4133 kilometr, Rossiya–Möğuliston çegarasi esa 3452 kilometrga teng. Şuningdek, birinçi öntalikka Boliviya va Braziliya, Hindiston va Pokiston, şuningdek AQŞ va Meksika örtasidagi çegaralar ham kirgan.
Davlatlar örtasidagi çegaralarning aniq uzunligi manbalarga qarab biroz farq qilişi mumkin. Ammo bu özgarişlar mamlakatlarning reytingdagi örnini deyarli özgartirmaydi.
