Rossiya senatori: IShIDni Rossiyasiz yutishning iloji yo‘q

Rossiyalik senator Aleksey Pushkov "IShID terrorchilik guruhiga qarshi kurashni Rossiyasiz muhokama qilish mumkin, biroq terrorchilarni Rossiyasiz yutishning iloji yo‘q", degan fikrni bildirdi.

"G‘arb koalitsiyasiga kiruvchi 68 ta davlat IShIDga qarshi kurashni Rossiyasiz muhokama qiladi. Rossiyasiz uchrashib, muhokama qilish mumkin, biroq yutishning iloji yo‘q", deb yozdi Pushkov tvitterda.   

Avvalroq Rossiya Federatsiya kengashining mudofaa va xavfsizlik bo‘yicha qo‘mitasi raisi birinchi o‘rinbosari Frants Klintsevich AQSh IShIDga qarshi kurashda boshchilikni qo‘lga olishga urinayotganini aytgandi.