11 martga o‘tar kechasi AQSh maxfiy xizmati Oq uyga kirmoqchi bo‘lgan erkakni qo‘lga oldi. Bu haqda mahalliy huquq-tartibot idoralari ma'lum qildi.
Ryukzagi bor noma'lum kimsa Oq uy panjarasidan oshib tushib, sayyohlar uchun yopiq bo‘lgan janubiy eshikka yaqinlashishga muvaffaq bo‘lgan. Biroq shundan keyin erkak payqalib, qo‘lga olingan.
U qanday maqsadda Oq uyga yaqinlashgani noma'lumligicha qolmoqda. Uning ryukzagida na qurol, na xavfli materiallar aniqlanmagan.
Biroq shunga qaramay, Oq uy xavflilikning "zarg‘aldoq" darajasiga o‘tkazildi, deb xabar bermoqda Associated Press axborot agentligi.
AQSh prezidenti Donald Tramp voqea yuz bergan vaqtda Oq uyda bo‘lgan va bu haqda erkak qo‘lga olingandan keyingina xabar topgan.
