Google kompaniyasi 7 yillik taqiqlovdan keyin yana Xitoyga qaytishi mumkin

Foto: NG HAN GUAN/AP/REX/SHUTTERSTOCK

"Google akademiyasi" qidiruv tizimi tufayli Google kompaniyasi Xitoyga qaytishi mumkin. Bu haqda Mashable nashri xabar bermoqda.

"Google akademiyasi" – ta'limning barcha sohalaridagi ilmiy maqolalar matnlari bo‘yicha qidiruvchi tizimdir. Ma'lum qilinishicha, Xitoy mamlakatning "akademik taraqqiyotini" kuchaytirish maqsadida ushbu xizmatga yana qaytish imkoniyatini jiddiy ko‘rib chiqmoqda.

Google va uning xizmatlarining katta qismidan Xitoy hududida 7 yildan beri foydalanib bo‘lmaydi. Foydalanuvchilar ulardan foydalanish uchun VPN (virtual xususiy tarmoq) qo‘llashga majbur bo‘ladilar.