Arsen Venger: «Men o‘z kelajagim bo‘yicha qarorga kelib bo‘ldim» 

«Arsenal» jamoasi bosh murabbiyi Arsen Venger APLning 29-turida «Vest Bromvich»ga qarshi o‘yindan keyin kelajagi borasida fikr bildirib o‘tdi.

«Xavotir olmanglar, men o‘z kelajagimni belgilab olganman. Bu haqda tez orada e'lon qilaman.

Barchasini tez orada bilib olasiz. Bugun bu haqda o‘ylamayapman. Bizda hozir qiyin davr kechmoqda. Bunaqasi 20 yil ichida ilk marta ro‘y bermoqda.

Hozir biz yana yutqazdik. Jamoaning o‘yini mening kelajagimdan muhimroq.

Bizni jiddiy kurash kutmoqda, juda qiyin bo‘ladi, ammo boshqa yo‘li yo‘q. Natijaga erisha olmasak, zarur choralarni ko‘ramiz», – deya Vengerning so‘zlarini keltirgan Sky Sports.