«Barselona» sport direktori Roberto Fernandes klub hujumchi Lionel Messi va yarim himoyachi Andres Inesta bilan shartnomani uzaytirishi haqida gapirdi.
«Messi shartnomani uzaytiradi. U „Barselona“da baxtli. Ishonamanki, Lionel yangi kelishuvga imzo qo‘yadi. Men bu masalaga katta e'tibor qaratmagan bo‘lardim, sababi Messining kelajagi – mish-mishlarga juda boy mavzu. Inesta ham vaqti kelganda kelishuvni uzaytiradi. Bizda u bilan bu borada hech qanday ikkilanish yo‘q», - deya Fernandesning so‘zlarini keltiradi Marca nashri Cadena Ser efiriga tayanib.
Har ikki futbolchining amaldagi shartnomasi 2018 yilning yozida o‘z yakuniga yetadi.
