Tramp butun dunyo prezidentligini ko‘zlamasligini ma'lum qildi

AQSh prezidenti Donald Tramp "butun dunyo prezidenti" nomiga da'vogarlik qilmasligini aytdi. Bu haqida Fox News xabar berdi. 

"Men butun dunyo prezidenti emasman va bunday niyatim ham yo‘q. Men Amerika Qo‘shma Shtatlari prezidentiman", - dedi Tramp qurilish biznesi vakillari oldida chiqish qilar ekan.

Uning so‘zlariga ko‘ra, AQSh — bunyodkorlar millati. Shuningdek Tramp "iqtisodiy kapitulyatsiya davri tugagani"ni qo‘shimcha qildi. 

"Biz Amerikani qaytadan quramiz", - dedi prezident.