Filippin poytaxtidan janubda 5,7 ballik yer silkinishi ro‘y berdi

8 aprel kuni Filippin poytaxti Manila shahridan janubda 5,7 ballik zilzila kuzatildi. Bu haqda Yevropa-O‘rta yer seysmologiya markazi xabar qilmoqda. 

Ma'lumotlarga ko‘ra, yer osti silkinishlari markazi Maniladan 91 km janubda,  dengiz tubidan 80 km chuqurlikda joylashgan. 

Hozircha, yetkazilgan talofat yoki vayronagarchiliklar hamda sunami haqida xabarlar yo‘q.