«Arsenal»da yangi lavozim joriy etilishi mumkin. Bu Vengerga yoqadimi?

«Arsenal» rahbariyati jamoaning sobiq futbolchisi Mark Overmarsni klubning texnik direktori lavozimiga taklif etishni rejalashtirmoqda. Bu haqda Tribuna.uz yozmoqda.

Klub rahbariyati klub tarixida ilk marta joriy etiladigan bu lavozimdagi rahbar klub transferi masalalarini va umumiy siyosatni o‘z qo‘liga olishi mumkin. Overmars ayni vaqtda bu lavozimga asosiy da'vogar bo‘lib turibdi 

Qayd etish kerakki, ayni vaqtda «Arsenal»dagi asosiy qarorlar jamoa bosh murabbiyi Arsen Venger tomonidan qabul qilinadi. 

Jamoani 21 yildan buyon boshqarib turgan va mavjud shartnomai hozircha uzaytirmagan fransiyalik mutaxassis o‘z vakolatlari pasaytirilishiga qanday munosabatda bo‘lishi ma'lum emas.