Erdo‘g‘an va Putin Suriyadagi kimyoviy hujumni muhokama qilishdi

Turkiya prezidenti Rajab Toyyib Erdo‘g‘an va Rossiya prezidenti Vladimir Putin telefon orqali muloqotda Suriyadagi vaziyatni muhokama qilishdi. Bu haqda Kreml saytida ma'lum qilindi.  

"Suriyadagi vaziyatning rivojlanishi muhokama qilindi. Jangovar harakatlarni to‘xtatish tartibini mustahkamlash maqsadida birgalikdagi ishni davom ettirish, Suriya bo‘yicha muzokaralar jarayoniga ko‘mak berishga tayyor bo‘lish bo‘yicha umumiy fikr bildirildi", deyilgan xabarda. 

Yetakchilar Suriyaning Xon-Shayxun shahrida kimyoviy qurol qo‘llanishining sinchkov va batafsil tergov qilinishi tezroq o‘tkazilishi kerakligini aytdilar.

Kimyoviy hujum 4 aprelda sodir etilgan. Ma'lum qilinishicha, uning oqibatida 70 dan ko‘proq odam halok bo‘lgan, 500 dan ko‘proq odam jabrlangan.