Iroqda IShIDning kelib chiqishiga ko‘ra rossiyalik rahbarlaridan yana biri yo‘q qilindi

Iroqning Mo‘sul shahri yaqinida IShID terrorchilik guruhi rahbarlaridan biri o‘ldirildi. Bu haqda Iroq federal politsiyasiga asoslanib RIA Novosti agentligi xabar tarqatdi.

General-leytenant Rayod Shokirning aytishicha, Mo‘sulning g‘arbiy qismidagi As-Saura tumanida Abu Hojir ar-Rusining shtabiga raketa zarbasi berilgan.

4 aprel kuni ham Mo‘sulda IShID rahbarlaridan ikki nafari, neft savdosiga mas'ul bo‘lgan Abu Mariya ar-Rusi hamda harbiy qo‘mondon Abu Muhojir ar-Rusi o‘ldirilgandi. Rusilar kelib chiqishiga ko‘ra rossiyalik ekani aytiladi.