AQSh prezidenti meksikancha bayramda qatnashishdan bosh tortdi
AQSh prezidenti Donald Tramp meksikancha Cinco de Mayo bayramida ishtirok etmaydi (5 may). U so‘nggi 16 yil ichida Oq uyda nishonlanadigan bu bayramda ishtirok etishdan bosh tortgan ilk prezidentga aylanadi. Bu haqda The Hill gazetasi xabar bermoqda.
Uning ma'lumotlariga ko‘ra, Tramp 16 yillik o‘ziga xos an'anada ishtirok etmoqchi emas. Nashrning tan olishicha, Oq uy juma kungi jadvalni hozircha e'lon qilmadi hamda bu boradagi murojaatni e'tiborsiz qoldirdi.
Buning o‘rniga, xabarda ko‘rsatilishicha, bayram tadbirida AQSh vitse-prezidenti Maykl Pens ishtirok etadi. Uning o‘tkazilish joyi hozircha noma'lum, biroq, ma'lumotlarga ko‘ra, u yerdagi mehmonlar odatdagidan kamroq bo‘ladi.
"Prezidentlar kichik Jorj Bush va Barak Obama Cinco de Mayo’da ishtirok etishni AQShning ispan tilida so‘zlashuvchi fuqarolariga to‘g‘ridan-to‘g‘ri murojaat qilish uchun yaxshi imkoniyat, deb hisoblashgan. Ular Oq uyga o‘z kabineti a'zolari, lotin amerikalik mashhur shaxslar va Meksika elchisini taklif qilishgan", - deya xabar berdi. Qo‘shimcha qilinishicha, o‘tgan yili Obama boshchiligidagi bayram tadbirida 500 kishi qatnashgan.
AQShda meksikancha Cico de Nayo bayrami keng bayram qilinadi. U Meksika qo‘shinlarining Pueblada fransuzlar ustidan 1862 yilning 5 may kuni qozongan g‘alabasi sharafiga nishonlanadi.
Mavzuga oid
22:17 / 23.10.2024
AQShda chatbot bilan muloqotda bo‘lib kelgan 14 yoshli o‘smir keyin o‘z joniga qasd qildi
22:00 / 23.10.2024
Tarixda birinchi marta ota-o‘g‘il basketbolchi NBA o‘yinida birgalikda ishtirok etdi
12:00 / 23.10.2024
AQSh va BAA G‘azo va Livandagi keskinlikni kamaytirish sa’y-harakatlarini muhokama qildi
11:40 / 23.10.2024