Tillerson Rossiya bilan munosabatlar nimadan tiklana boshlashini aytdi

AQSh va Rossiya o‘zaro munosabatlarni Suriyadagi ixtilofni hal qilish bo‘yicha birgalikda ishlashdan boshlashga kelishib oldilar. Bu haqda AQSh davlat kotibi Reks Tillerson Davlat departamenti xodimlari oldidagi nutqida aytib o‘tdi.

"Kecha prezident Putin va bizning prezident o‘rtasida o‘tgan muloqotga ko‘ra, biz va mudofaa vaziri Suriya bo‘yicha hamkorlik sohasida birgalikda ishlashimiz va tinchlik jarayoniga o‘tish uchun yetarlicha uzoq davom etadigan o‘t ochishga erisha olishimizni aniqlashtirishda davom etamiz", deb aytdi Tillerson hamda bularning barchasi hali erta bosqichdaligini va "qayerga olib kelishini" bilmasligini ta'kidlab o‘tdi.   

Tillersonning aytishicha, Moskva va Vashington "spiral bo‘yicha pastga sho‘ng‘iyotgan" munosabatlarni barqarorlashtirishlari kerak. 

2 may kechki payt Putin va Tramp telefon orqali muloqot qilishgandi. Ular muloqot davomida terrorchilikka qarshi kurash bo‘yicha harakatlarni muvofiqlashtirish istiqbollari, jumladan Suriyada xavfsizlik zonasini yaratishni muhokama qilishgan.