23:59 / 06.05.2017
15640

Useyn Bolt futbolchi bo‘lishga yaqin turibdi

Sakkiz karra olimpiya chempioni, sprinter Useyn Bolt o‘zini professional futbolda sinab ko‘rmoqchi, deb xabar bermoqda «Sovetskiy sport».

«Men dunyodagi eng yaxshi 50 nafar futbolchidan biri bo‘lmoqchiman. Bir mavsumda kamida 20 ta to‘p uradigan hujumchi bo‘lish istagidaman.

Sportning bu turini yaxshi ko‘raman, hamda bunday fikr menda avvaldan paydo bo‘lgandi. So‘nggi bir necha oy davomida klublar bilan gaplashdim, biroq bu borada hali aniq hech narsa yo‘q. Ko‘ramiz, nima yuz beradi.

Futbol jismoniy jihatdan juda og‘ir sport turi, men esa yosh emasman, biroq fikrimcha, to‘rt yil davomida yaxshi o‘ynab berishim mumkin», - deya aytib o‘tdi Bolt So Foot Magazine’ga bergan intervyusida.

Avvalroq, yamaykalik mashhur sprinter Dortmundning «Borussiya» jamoasi bilan birga mashg‘ulotlarda ishtirok etishi xabar qilingandi.

Top