Neymar va murabbiyning janjali tafsiloti aniq bo‘ldi

«Barselona» bosh murabbiyi yordamchisi Xuan Karlos Unsue va hujumchi Neymarning mojarosi tafsilotlari aniq bo‘ldi. Bu haqda Marca nashri xabar tarqatgan.

Manbaga ko‘ra, Unsue futbolchining mashg‘ulotlarga yondashuvini tanqid qilgan va unga: «Agar xuddi shu ruhda davom etadigan bo‘lsang, xuddi Ronaldinodek faoliyatingni yakunlaysan», degan.

Eslatib o‘tamiz, Unsue Luis Enrike jamoani tark etgach, «Barselona»ni boshqarishi mumkin bo‘lgan murabbiylar ichida bor. Jumladan Neymar ham uning nomzodini qo‘llab-quvvatlagandi.