Video: Nazarboyev universitet prezidentiga inglizchadan bilimini namoyish etdi

Qozog‘iston prezidenti matbuot xizmati Nursulton Nazarboyevning o‘z nomidagi universitet prezidenti Shigeo Katsu bilan ingliz tilida gaplashgani ko‘rsatilgan videoni namoyish etdi.

Videoda qozog‘istonliklar prezidenti Shigeo Katsudan ingliz tilida hol-ahvol so‘raganini ko‘rish mumkin.

Qozog‘iston prezidenti universitet prezidenti bilan uchrashuv vaqtida uning savoliga ham inglizcha javob qaytargan. Shundan so‘ng ular ishga o‘tishgan, Nursulton Nazarboyev Katsudan hisobotini o‘qishni so‘ragan: "Please, your report".

Universitet rahbari prezidentga "Nazarbayev Universiteti"ning 7 yillik faoliyati to‘g‘risida hisob bergan. Shigeo Katsu universitet qoshidagi tadqiqot instituti yutuqlari haqida gapirgan.