Germaniyada yo‘lovchi poyezdi relslardan chiqib ketdi

Germaniya sharqida ichki reysni amalga oshirayotgan yo‘lovchi poyezdi relslardan chiqib ketdi. Bu haqda Deutsche Bahn konserni matbuot-xizmati ma'lum qildi. 

Voqea 19 may kuni soat 19:29da Tyuringiyadagi Shtadtrod aholi punkti yaqinida yuz bergan. Tarkib Glauxaudan Gettingenga ketayotgan bo‘lgan. Kompaniyada ma'lum qilinishicha, favqulodda hodisa sel sababli yuzaga kelgan, u relslarga oqib, bu hududda ular orqali o‘tishni to‘sib qo‘ygan.

Voqea oqibatida bir necha kishi jarohat olgan, ular shifoxonaga yetkazilganlar.