AQShni keskin tanqid qilib kelgan Duterte Trampni o‘z do‘sti deb atadi

Filippin prezidenti Rodrigo Duterte RT muxbiriga bergan intervyusida G‘arb mamlakatlarini ikkiyuzlamachilikda aybladi hamda Rossiya bilan ittifoq bo‘lishdan umidvorligini aytib o‘tdi.

«Shaxsan men Amerikaga qarshi emasman. Bu yaxshi mamlakat. Donald Tramp — mening do‘stim. Ammo biz tashqi siyosatda kursni o‘zgartirdik. Avval biz g‘arbparast mamlakat bo‘lganmiz. Endi esa biz Xitoy bilan bitimlar tuzdik, men umid qilamanki, Rossiya bilan ham shunday munosabatlar o‘rnatiladi. Nega bunday bo‘ldi? Chunki G‘arb dunyosi — Yevroittifoq davlatlaridan tortib boshqalarigacha barchasi — ikkiyuzlamachilardir», — degan Duterte.