Bandlik va mehnat munosabatlari vazirligiga rahbar tayinlandi

Aziz Abduhakimov O‘zbekiston Respublikasi Bandlik va mehnat munosabatlari vaziri lavozimiga tayinlandi. Bu haqda O‘zbekiston Prezidentining 26 maydagi tegishli farmonida aytilgan.
 
Eslatib o‘tamiz, 2016 yilning martidan beri A.Abduhakimov O‘zbekiston Respublikasi mehnat vaziri lavozimida ishlagan.
 
Ta'kidlab o‘tish joizki, O‘zbekiston Respublikasi Prezidenti Shavkat Mirziyoyevning 23 maydagi «Bandlik sohasida davlat siyosatini yanada takomillashtirish va mehnat organlari faoliyati samaradorligini tubdan oshirish chora-tadbirlari to‘g‘risida»gi farmoni bilan Mehnat vazirligi O‘zbekiston Respublikasi Bandlik va mehnat munosabatlari vazirligi etib qayta tashkil etildi.