Misrdagi xristianlarga hujum uchun mas'uliyatni IShID o‘z zimmasiga oldi

IShID terrorchilik guruhi Misrning Al-Minya viloyatidagi xristian-koptlarga hujum uchun mas'uliyatni o‘z zimmasiga oldi. Hodisa oqibatida 28 nafar shaxs halok bo‘lgandi. Bu haqda Al Jazeera telekanali xabar bergan.

26 may kuni jangarilar guruhi ichida xristian-koptlar bo‘lgan avtobusga qurolli hujum uyushtirdi, ular Muqaddas Samuil monastiriga ketishayotgan bo‘lgan. Kopt madaniy markazi ma'lumotiga ko‘ra, ekskursiyaga yo‘l olganlarning aksariyati o‘smirlar bo‘lgan hamda ulardan faqatgina uch nafari tirik qolgan.

Misr sog‘liqni saqlash vazirligi rasmiy ma'lumotlariga ko‘ra, terakt natijasida 28 kishi halok bo‘ldi, taxminan 30 inson jarohatlandi.