Fransiyada va Britaniyada kuchli dovul qayd qilindi

29 may kuni Fransiya va Buyuk Britaniyada kuchli dovul kuzatildi. Mahalliy meteorologlarning ma'lum qilishicha, minglab yevropaliklar tungi vaqt aql bovar qilmas darajada kuchli gumburlash ovozlaridan uyg‘onib ketishgan. Internetda esa osmonda chaqmoqning alanga kabi yonib o‘tishi tasvirlangan lavhalar joylashtirilgan.    

"Fransiyada 40 ming chaqmoq qayd qilindi, 2 soatdan keyin esa dovul Britaniyaga o‘tgan", deb yozdilar jurnalistlar. OAVda ma'lum qilinishicha, dovul Britaniyada Uels maydonidan kattaroq hududni qoplab olgan. 

Britaniyaning Kent grafligida chaqmoq urishdan bir necha uyga shikast yetgan.

Yaqin kunlarda Britaniyada jala, kuchli shamollar va do‘l bo‘lishi kutilmoqda. 

Dovul oqibatida jabrlanganlar bor-yo‘qligi haqida hozircha ma'lumot berilmagan.