Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Путин: НАТО АҚШ қуроли, унда фақатгина вассаллар бор
22:35 / 03.06.2017
19466
Фото:© РИА Новости

Россия президенти Владимир Путин НАТОни АҚШнинг ташқи сиёсий қуроли деб атади ва "унда иттифоқдошлар эмас, фақатгина вассаллар" борлигини айтди. Бу ҳақда Путин америкалик режиссёр Оливер Стоунга берган интервьюсида айтиб ўтган. Интервьюдан парчаларни Politico нашри чоп этди.

"Бирор давлат НАТО аъзоси бўлганда, унга НАТОнинг етакчиси бўлган АҚШ каби йирик давлат томондан ўтказилаётган таъсирга дош бериш қийиндир. Ва бу давлатда исталган нарса: ракеталарга қарши мудофаа тизими, янги базалар, зарур бўлса, янги зарба бериш мажмуалари пайдо бўлиши мумкин. Бундай ҳолатда биз нима қилишимиз керак?", деб савол билан юзланган Путин. 

Путин бунга жавобан қарши чоралар кўриш кераклигини айтди.

"Биз шу муносабат билан акс чоралар кўришимиз керак, яъни бизнинг ракета тизимлари зарбаси остига бизга хавф солаётган объектларни қўйишимиз керак. Кўрганингиздек, вазият анча асабий", деб таъкидлаб ўтди Путин.

Путин уни қарорлар қабул қилиш амалиёти хавотирлантираётгани, чунки у бу жараён қандай юз беришини билишини айтган.

Стоун Путиндан олган интервью АҚШнинг Showtime кабель телеканалида 12-15 июнь кунлари фильм тарзида намойиш қилинади.


Улашинг
Top