Lavrov NATOni aybladi

Foto: Global Look Press

Rossiya TIV rahbari Sergey Lavrovning ma'lum qilishicha, NATO Rossiya bilan qo‘shni bo‘lgan mintaqada o‘z harbiy salohiyati va infratuzilmasini kuchaytirib, 1997 yildagi Rossiya-NATO Asosiy aktini qo‘pol ravishda buzmoqda. Bu haqda TASS xabar bergan.

Tashqi ishlar vaziri bu haqda Kaliningradda Immanuil Kant nomidagi Boltiq federal universiteti talabalari oldida chiqish qilib aytib o‘tdi.

«Bugun alyansda qabul qilinayotgan qarorlar Rossiya-NATO akti bandlarini qo‘pol ravishda buzmoqda», - dedi u.

Lavrovning so‘zlariga ko‘ra, Rossiya bilan chegaradagi mintaqalar, jumladan, Kaliningrad viloyati bilan chegarada harbiy faoliyat ko‘lami keskin oshgan.