"Aeroflot" iyuldagi reyslarini Samarqanddan Navoiyga ko‘chiradi

Rossiyaning "Aeroflot" aviakompaniyasi 2017 yilning 4 iyulidan 1 avgustigacha Samarqandga reyslarini Navoiy xalqaro aeroportiga ko‘chiradi. 

Aviakompaniya ma'lumotlariga ko‘ra, bu qaror Samarqand aeroportida ta'mirlash ishlari olib borilishi sababli qabul qilingan. 

Yo‘lovchilar Sheremetevo-Navoiy-Sheremetevo reyslari bo‘yicha jo‘natiladilar.

Aviakompaniyada ma'lum qilinishicha, aviakompaniya yo‘lovchilarni Navoiydan 180 km uzoqlikda joylashgan Samarqandga va ortga yer usti transporti bilan tashishni ta'minlamaydi.