Eron parlamentiga hujum qilganlardan biri binoni tark etgan va ko‘chada o‘t ochishni boshlagan. Bu haqda Tasnim agentligi xabar tarqatdi.
«Eron parlamentiga bostirib kirgan terrorchilardan biri binoni tark etib, ko‘chada tartibsiz o‘t ochishni boshladi», deyilgan xabarda.
Bundan avvalroq berilgan xabarlarda 3 nafar terrorchi parlament binosiga bostirib kirib, qo‘riqchini o‘ldirgani, kamida 8 kishini jarohatlagani, ular orasida deputat ham borligi haqida aytilgandi. Hujum qilganlar bino ichida odamlarni garovga olgan bo‘lishi mumkin.
Fars xabariga ko‘ra, parlament binosiga bostirib kirganlardan birining tanasiga portlovchi qurilmalar o‘rnatilgan, u ayni vaqtda qurshovda qolgan.
Voqea joyiga maxsus xizmat vakillari yetib kelishgan.
Security forces rushing towards #NationalParliament in #Tehran #Iran after attack. pic.twitter.com/SgxrwEKznI
— ZeroPointNow (@ZeroPointNow) June 7, 2017
