Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Эрон Теҳрондаги терактларда Саудия Арабистонини айбламоқда
20:44 / 07.06.2017
15849
Фото: Reuters

Эрон Ислом инқилоби қўриқчилари корпуси Саудия Арабистонини Теҳронда содир этилган терактларга алоқадорликда айблади. Бу ҳақда Reuters ахборот агентлиги хабар бермоқда

"Бу АҚШ президенти ва террорчиликни қўллаб-қувватловчи жаҳолатпараст етакчиларнинг (Саудия Арабистони) учрашувидан бор-йўғи бир ҳафтадан кейин юз берди. Бу терактлар учун жавобгарликни ИШИД ўз зиммасига олганининг ўзи улар бу ваҳший ҳужумларга алоқадор эканликларини  исботлайди", деб айтилди Ислом инқилоби қўриқчилари корпуси раҳбари ўринбосари генерал Хусайн Саломий баёнотида.

Саломийнинг айтишича, Эрон Теҳрондаги ҳужум учун "террорчилар ҳамда улар билан алоқадор бўлган ва уларни қўллаб-қувватловчилардан" ўч олади.

7 июнь эрталаб икки гуруҳ террорчилар бир вақтда Эрон парламенти биносига ва имом Ҳомейний мақбарасига ҳужум уюштиришган. Уч жангари мақбара ҳудудига кирган, улардан бири ўзини портлатган, бири қўриқчилар томондан ўлдирилган ва яна бири қўлга олинган.  

Аёллар кийимида бўлган яна 4 киши парламент биносига ҳужум қилган, улар хавфсизлик кучлари томондан йўқ қилинган. Терактлар оқибатида 12 киши ҳалок бўлди, 42 киши яраланди. Ушбу ҳужумлар учун жавобгарликни ИШИД ўз зиммасига олди.


Улашинг
Top