Afg‘on askari ikki amerikalik harbiyni o‘ldirdi

Afg‘oniston armiyasi askari AQShning ikki harbiysini o‘ldirdi, deb xabar bermoqda Associated Press axborot agentligi. 

Ta'kidlanishicha, bu voqea Afg‘onistonning Nangarhor viloyatida sodir bo‘lgan. 

Mahalliy hukumat ma'lumotlariga ko‘ra, afg‘on askari amerikalik harbiylarni otib tashlagan. Ta'kidlanishicha, uning o‘zi ham o‘ldirilgan.   

2017 yil mart oyida Afg‘oniston armiyasi askari Gilmend viloyatidagi bazada uch nafar amerikalik harbiyga o‘t ochgani ma'lum qilingandi. Buning oqibatida amerikalik harbiylar yaralangandilar.