Pentagon Afg‘onistonda 3 harbiysi halok bo‘lganini tasdiqladi

Amerikalik uch harbiy xizmatchi Afg‘onistondagi amaliyotlar chog‘ida halok bo‘lgan. Bu haqda Pentagon matbuot xizmati xabar tarqatgan.

«Uch nafar amerikalik askar Afg‘oniston sharqida halok bo‘ldi. AQSh Qurolli kuchlarining bir askari jarohatlandi va tibbiy yordam ko‘rsatish uchun evakuatsiya qilindi», — deyilgan xabarda.

Qayd etilishicha, Pentagon hodisa yuzasidan tekshiruv boshlagan.

Bundan avvalroq, nashrlar AQSh Afg‘onistonda o‘z o‘rnini mustahkamlamoqchi ekanida yozgandi.