Eron Qatarni oziq-ovqat mahsulotlari bilan ta'minlamoqda

Eron 6-11 iyun kunlari davomida Qatarga oziq-ovqat mahsulotlari bilan to‘ldirilgan beshta samolyot yubordi, deb yozmoqda Die Tagesschau. Bu haqda Iran Air davlat aviakompaniyasi kotibi xabar bergan.

Bundan tashqari, 90 tonnalik yangi mahsulotlar, asosan meva va sabzavotlar avtomobil transporti orqali yetkazib berildi.

OAVning Tasnim axborot agentligiga asosan xabar berishicha, 350 tonnalik oziq-ovqat mahsulotlari bo‘lgan uchta kema Dayyer dengiz portidan Qatarga qarab yo‘lga chiqdi.

Shuningdek, Tehron Qatarning Qatar Airways aviakompaniyasiga Yevropa va Afrika davlatlariga parvoz qilish uchun o‘z havo hududidan foydalanishga ruxsat bergan.

Eslatib o‘tamiz, 8 iyunga kelib 10 davlat – Saudiya Arabistoni, Bahrayn, Misr, BAA, Yaman, Liviya, Maldiv, Mavrikiy, Mavritaniya va Komor Qatar bilan diplomatik aloqalarni uzishdi, shu sababdan mamlakatda gumanitar inqiroz yuz berish tahdidi bor.

Ular Dohani xalqaro terrorchilik guruhlarini moliyalashtirishda ayblashmoqda.

Tayyorlagan: Отабек Матназаров

#Eron #oziq-ovqat #Qatar

Fors ko‘rfazida jiddiy siyosiy inqiroz yuzaga keldi. Saudiya Arabistoni, Misr, Bahrayn, BAA, Yaman, Liviya va Maldiv boshqa bir arab davlati Qatar bilan diplomatik aloqalarni uzdi. Bunga Qatar Eronni va terrorizmni qo‘llagani sabab sifatida ko‘rsatilmoqda.