Janubiy Koreya prezidenti FIFAga kutilmagan taklif bilan chiqdi

Janubiy Koreya prezidenti Mun Chje In FIFA prezidenti Janni Infantino bilan uchrashuv vaqtida kutilmagan taklif bilan chiqdi. Janubiy Koreya prezidenti Infantinodan 2030 yilgi jahon chempionati mezbonligini Shimoliy Koreya bilan birgalikda o‘tkazishni so‘ragan. 

"Agarda Osiyoning shimoliy-sharqidagi qo‘shni mamlakatlar, shu jumladan, Janubiy hamda Shimoliy Koreya jahon chempionatini birgalikda o‘tkazsa, bu ushbu mamlakatlarning va barcha hududning murosaga kelishi uchun hissa qo‘shgan bo‘lar edi", – dedi Mun Chje In. 

Ma'lum qilinishicha, Infantino bu masalani ko‘rib chiqishga va'da bergan. 2030 yilgi mundialga mezbonlik qilish uchun Xitoy va Yaponiya ham da'vogarlik qilmoqda.