09:54 / 17.06.2017
10995

"Bunyodkor" "Qo‘qon-1912"ning 11ta o‘yinlik mag‘lubiyatsiz seriyasiga chek qo‘ydi

O‘zbekiston Oliy ligasining 13-tur bellashuvlari nihoyasiga yetdi. Turning so‘nggi uchrashuvida "Bunyodkor" o‘z uyida "Qo‘qon-1912"ni qabul qildi. Uchrashuv 2:1 hisobida mezbonlar foydasiga hal bo‘ldi. 

6-daqiqada Doston Hamdamov mezbonlarni hisobida oldinga olib chiqqan bo‘lsa, 21-daqiqada Nosir Otaqo‘ziyev oradagi farqni yo‘qqa chiqardi. Mezbonlarga 3 ochko keltirgan gol ham Doston Hamdamov tomonidan 60-daqiqada kiritildi. 

Shu tariqa Mirjalol Qosimov shogirdlari "Qo‘qon-1912"ning chempionat doirasida davom etgan 11ta o‘yindan iborat mag‘lubiyatsiz seriyasiga chek qo‘ydi. 

Ushbu turdan so‘ng "Bunyodkor" 12-o‘ringa ko‘tarilib olgan bo‘lsa, "Qo‘qon-1912" 3 -o‘rinni saqlab qolgan. 

Oliy liga-2017, 13-tur
“Bunyodkor” – “Qo‘qon-1912” 2:1 (1:1)
Gollar: 
Dostonbek Hamdamov 6 (1:0), Nosirbek Otaqo‘ziyev 21 (1:1), Dostonbek Hamdamov 63 (2:1)
Ogohlantirishlar: Otabek Shukurov 51, Farruh Ikromov 70 – Andrey Sidorov 85, Murod Xolmuhammedov 86

Top