Foto: RIA Novosti
Yevropa Ittifoqiga a'zo davlatlar yetakchilari Rossiyaga qarshi iqtisodiy sanksiyalarni uzaytirish haqida kelishib oldilar. Bu haqda Yevrokengash raisi Donald Tusk ma'lum qildi.
"Kelishib olindi. YeI Rossiya tomondan Minsk kelishuvlarining yetarlicha bajarilmayotgani uchun unga qarshi iqtisodiy sanksiyalarni uzaytirdi", deb yozgan Tusk tvitterda.
Avvalroq Tusk muddati 31 iyulda tugaydigan sanksiyalar yana 6 oyga uzaytirilishini ma'lum qilgandi.
Rossiya va Yevropa Ittifoqi o‘rtasidagi munosabatlar Donbassdagi ixtilof sababli yomonlashgan. Kiyev bu yerda tan olinmagan Donetsk va Lugansk xalq respublikalariga qarshi operatsiya olib bormoqda.
