Belarus Rossiyadan “Iskandar” raketa majmualarini sotib olishi mumkin

Belarusning Moskvadagi elchisi Igor Petrishenkoning ma'lum qilishicha, Minsk kelajakda Rossiyadan “Iskandar” raketa majmualarini xarid qilish imkoniyatini ko‘rib chiqishi mumkin. Bu haqda RIA “Novosti” xabar bermoqda.

“Zenit-raketa majmualari bo‘yicha, Belarusda bugungi kunda asosiy ZRM – S-300 tizimidir. S-400 majmualari va “Iskandar” tezkor-taktik raketa majmualarini yetkazib berish imkoniyati, yaxshilangan xususiyatlarga ega yangi qurol paydo bo‘lsa, ko‘rib chiqilishi mumkin”, - deya ma'lum qildi u.

Petrishenkoning so‘zlariga ko‘ra, Belarus hukumati kelajakda Ittifoq davlat havo chegaralarini qo‘riqlashga Belarus harbiy-havo kuchlari va havo mudofaasi qo‘shinlarining Su-30SM qiruvchilari kirishishini mo‘ljallamoqda.