Rossiya: RFga qarshi sanksiyalar mamlakat tashqi siyosiy kursini o‘zgartirmadi

Rossiya TIVning Umumevropa hamkorligi departamenti direktori Andrey Kelinning ma'lum qilishicha, Rossiyaga qarshi sanksiyalar o‘z maqsadiga erisha olmadi. Bu haqda RIA «Novosti» xabar bergan.

«Sanktsiyalar o‘zlari ko‘zlagan maqsadga erisha olmadi: Rossiyaning tashqi siyosiy kursini o‘zgartirmadi va Ukraina mojarosi bilan bog‘liq vaziyatga hech qanday ta'sir ko‘rsatmadi», - dedi Kelin.

Avvalroq Yevropa Ittifoqi Rossiyaga qarshi iqtisodiy sanksiyalarni yana yarim yilga rasman uzaytirgani xabar qilindi.