Messining to‘yiga 155 jurnalist akkreditatsiya oldi

Kataloniyaning «Barselona» va Argentina terma jamoasi hujumchisi Lionel Messining ertaga, 30 iyun kuni Argentinaning Rosario shahrida bo‘lib o‘tadigan to‘yiga 155 nafar jurnalist akkreditatsiyadan o‘tgan.

Lionel Messi va uning ikki farzandi onasi Antonella Rokkutstsoning to‘yi jinoyatchilik darajasi juda yuqori ekanligi bilan mashhur ona shahrida bo‘lib o‘tishi kutilmoqda.

Football.fr’ning ma'lumotiga ko‘ra, nikoh marosimiga oid eng asosiy tadbirlar shaharning eng hashamatli mehmonxonasida bo‘lib o‘tadi. Shahar huquq-tartibot organlari tomonidan umuman nazorat qilinmasligi bois, Messi o‘zining to‘yida tartibni saqlash uchun 200 nafar tansoqchi yollagan.