MRB WikiLeaks’ni josuslik va Rossiya razvedkasi bilan ishlashda aybladi

AQSh MRB direktori Mayk Pompeoning ma'lum qilishicha, WikiLeaks o‘zini dushmanlik kayfiyatidagi josuslik tuzilmasi kabi “tutmoqda”, u asosiy e'tiborini AQShga qarshi qaratgan. Bu haqda Foreign Policy xabar berdi.

«WikiLeaks’ni nodavlat dushmanlik kayfiyatidagi josuslik tuzilmasi bo‘lgani sabab javobgarlikka tortish vaqti keldi. Uni Rossiya kabi davlatlar bunga undamoqda», - degan MRB rahbari.

Uning qo‘shimcha qilishicha, Rossiya harbiy razvedkasi WikiLeaks’dan AQSh Demokratik partiyasi Milliy qo‘mitasi serveridan o‘g‘irlangan elektron nomalarni e'lon qilishda foydalangan.