OAV: AQSh shtatlaridan biridagi otishmada 3 kishi halok bo‘ldi

AQShning Alabama shtati, Birmingem shahri yaqinida bir erkak sodir etgan otishma oqibatida 3 kishi halok bo‘ldi.

CBC News telekanalining ma'lum qilishicha, jinoyatchi yashirinishga muvaffaq bo‘lgan, ayni vaqtda uni politsiya qidirmoqda.  

Taxmin qilinishicha, otishmaga maishiy janjal sabab bo‘lgan.  

Jinoyatchi "qurollangan va xavfli ekanligi" sababli mahalliy aholiga o‘z uylarini tark etmaslik ko‘rsatmasi berilgan.