Filippinda jangarilar prezidentning qo‘riqlash xizmatiga hujum qildi

Filippin janubidagi Kotabato viloyatida jangarilar prezidentning qo‘riqlash xizmatiga hujum qildi.

Anadolu agentligining xabar berishicha, hujum natijasida xavfsizlik xizmatining yetti xodimi jabrlandi.

Hodisa qo‘riqlash xizmati mashinalari Arakan va Davao shaharlari o‘rtasida bo‘lganida yuz bergan.

Qo‘riqchilar Kagayan-de-Oro shahriga yo‘l olayotgan bo‘lgan, u yerda mamlakat prezidenti Rodrigo Dutertening tashrifidan avval xavfsizlik bo‘yicha tekshiruvlar o‘tkazilishi lozim edi.

Avvalroq Filippin prezidenti Rodrigo Duterte parlamentdan mamlakat janubidagi harbiy holatni yil oxiriga qadar uzaytirish haqida so‘ragani xabar qilingandi.