Internetda sotilayotgan qurolning katta qismi qaysi davlatdan kelishi aniqlandi

Internetning maxfiy qismida sotiluvchi qurol-yarog‘ning katta qismi AQShdan keladi. Bundan RAND Europe va Manchester universiteti tomonidan o‘tkazilgan tadqiqot natijalari darak bermoqda.

Ta'kidlanishicha, o‘qotar qurolning taxminan 60 foizi AQShdan kelayotgan bo‘lsa, Yevropa mamlakatlaridan – 25 foiz. Shu bilan birga, tadqiqotning ko‘rsatishicha, Yevropada qurol sotishdan tushuvchi daromadlar Qo‘shma Shtatlardagi darajadan besh barobarga ko‘pdir.

Mualliflarning qayd etishicha, internetning maxfiy qismida sotiluvchi qurol keng ko‘lamli qurolli ixtiloflarda qo‘llanilmaydi, biroq u terrorchilar hamda kichik jinoiy guruhlar tomonidan foydalanilishi mumkin.